१५० रोपनीमा लगाएको अफिम नष्ट

धादिङ– धादिङको दक्षिणी क्षेत्रमा १ सय ५० रोपनी जग्गाको लगाएको अफिम खेती प्रहरीले नष्ट गरेको छ । बेनिघाट रोराङ गाउँपालिका-१ बाँसखर्क, सुन्दरनागी र सिमटार क्षेत्रमा लगाइएको अफिम खेति प्रहरीले नष्ट गरेको हो ।

Advertisement

इलाका प्रहरी कार्यालय गजुरी र सशस्त्र प्रहरी विपद व्यवस्थापन वेश आदमघाटबाट खटिएको संयुक्त टोलीले सो ठाउँको करिब एक सय ५० रोपनी जग्गामा लगाएको अफिम खेती शुक्रबार फडानी गरी नष्ट गरिएको हो ।

लागु औषध अफिम फडानी कार्य योजना अनुरुप शुक्रबार फडानी तथा नष्ट गरिएको प्रहरीले जनाएको छ ।