तनहुँमा मोटरसाइकल दुर्घटना हुँदा दुई जनाको मृत्यु

काठमाडौं- पृथ्वीराजमार्ग अन्तर्गत तनहुँको व्यास नगरपालिका–१२ बेलभन्ज्याङमा मोटरसाइकल दुर्घटना हुँदा दुई जनाको ज्यान गएको छ ।

Advertisement

दमौलीबाट डुम्रेतर्फ जाँदै गरेको गण्डकी प्रदेश ०३–००१ प ०३१० नम्बरको मोटरसाइकल अनियन्त्रित भई सडकबाट खस्दा मोटरसाइकलमा सवार दुई जनाको घटनास्थलमा नै मृत्यु भएको जिल्ला प्रहरी कार्यालय तनहुँले जनाएको छ ।

हुस्सु लागेका कारण मोटरसाइकल अनियन्त्रित भई दुर्घटना भएको हुन सक्ने प्रहरीले जानकारी दिएको छ । मृतकहरुको पहिचान हुन बाँकी रहेको प्रहरीले जनाएको छ ।