सेयर बजारको लगातार उकालो यात्रा

काठमाडौं– सेयर बजार लगातार तेस्रो दिन पनि बढेको छ । शेयर बजार परिसूचक नेप्से आज ५.०८ अङ्कले बढेर २ हजार ६ सय १३.०८ विन्दुमा पुगेको हो ।

Advertisement

आज बैंक, फाइनान्स, जलविद्युत्, म्युचल फन्ड र व्यापार बाहेक सबै समूहको शेयर बढेको छ । आज अन्य समूहको शेयर साढे २ प्रतिशतभन्दा धेरैले उकालो लागेको छ ।

नेप्से बढे पनि आज शेयर कारोबार रकम भने घटेको छ । हिजो साढे ६ अर्बभन्दा धेरैको कारोबार भएकोमा आज ३ सय ११ वटा कम्पनीका १ करोड १६ लाख कित्ता शेयर ६ अर्ब १९ करोड रुपैयाँमा किनबेच भएको हो ।