अनेरास्ववियू क्रान्तिकारीको केन्द्रीय सचिव पदमा छात्रातर्फ धादिङकी रिता ढुंगानाको उम्मेद्वारी

काठमाडौं- प्रमुख प्रतिपक्ष दल नेकपा माओवादी केन्द्र निकट अनेरास्ववियू (क्रान्तिकारी) को केन्द्रीय सचिव (छात्रा ) मा धादिङकी रिता ढुंगानाले उम्मेदवारी दिएकी छिन् ।

Advertisement

छात्रातर्फ केन्द्रीय सचिवमा उम्मेदवारी दिएकी रिता ढुंगाना इकाई समिति हुँदै पद्मकन्या क्याम्पसमा स्ववियु सदस्य देखि संगठनको केन्द्रिय समितिमा समेत रहेर काम गरिसकेकी छिन् ।

आफ्नो औपचारिक शिक्षा धादिङ बाट पुरा गरेकी उनी समाजकार्य विषयमा स्नातक तह र ग्रामीण विकाशमा स्नातकोत्तर गरिरहेकी छिन् ।

आम्दानीसँग जोडिएको सिपमुलक शिक्षाको लागि नेपाललाई विश्वको शैक्षिक हब निर्माण गर्न, त्रिभुवन विश्वविद्यालयलाई अनुसन्धान, अन्वेषण र ईन्कुभेसन सेन्टर निर्माण गर्न, सबै संकायका विद्यार्थीहरुलाई अनिवार्य रुपमा प्रयोगात्मक शिक्षाको परिवर्तन गर्न, विद्यार्थीहरु लाई पार्टीमा आकर्षण गर्न, विद्यार्थीहरुको ज्ञान, सीप र क्षमताको मुल्यांकन गरि पार्टीको दुतको रुपमा स्थानीय वडा तथा स्थानीय तहमा भोलिन्टर काम गर्न परिचालन गर्न सबै सामुदायिक विद्यालय तथा क्याम्पसहरुमा रचनात्मक क्रियाकलाप मार्फत संगठन निर्माण गर्न, कम्तीमा ५ लाख नयाँ युवालाई संगठनको सदस्य वितरण गर्न, भर लाग्दो आस लाग्दो जुझारु संगठन निर्माण गर्न, आफुले लामो समयदेखि संगठनमा ईमान्दारिताका साथ संगठनको जिम्मेवारी पुरा गर्दै आएको उनले बताइन् । त्यसैले आफु सचिव पदको दरिलो उम्मेदवार रहेको बताउदै आफुलाई अत्याधिक बहुमतले विजयी गराउन सबै प्रतिनिधिहरुसँग अपिल गरेकी छिन् ।