सिन्धुलीमा ईभी गाडी दुर्घटना हुँदा ६ जना घाइते

काठमाडौं– सिन्धुलीको गोलञ्जोर गाउँपालिकामा ईभी गाडी दुर्घटना हुँदा ६ जना घाइते भएका छन् ।

Advertisement

झापाबाट काठमाडौं आउँदै गरेको ०१०३० च ९६४२ नम्बरको ईभी गाडी दुर्घटना हुँदा ४ पुरुष र २ महिला घाइते भएका छन्। घाइतेमध्ये २ जना पुरुषको अवस्था गम्भीर रहेको प्रहरीले जनाएको छ।

बागमती प्रदेशका ट्राफिक प्रमुख एसपी नरेशराज सुवेदीका अनुसार घाइते हुनेमा ४ पुरुष र २ महिला छन्। घाइतेमध्ये २ जना पुरुषको अवस्था गम्भीर रहेको छ।

काठमाडौंका लागि हिँडेको इभी गाडी वीपी राजमार्गमा दुर्घटनामा परेको हो । आफैं अनियन्त्रित भई सडकबाट ४ सय मिटर तल खस्न पुगेको प्रारम्भिक अनुसन्धानबाट खुलेको प्रहरीले जनाएको छ ।