धादिङका पत्रकारलाई क्षमता अभिवृद्धि तालिम र घुम्ति शिविर

काठमाडौं– धादिङका पत्रकारहरुलाई क्षमता अभिवृद्धि तालिम दिइएको छ । पत्रकारिता क्षेत्रमा भविष्य खोज्दै गरेका पत्रकारहरुका लागि क्षमता अभिवृद्धि गरि धादिङको पत्रकारिता क्षेत्रमा थप प्रभावकारी बनाउने उद्देश्यले तालिमको आयोजना गरिएको हो ।

Advertisement

तालिम साथै प्रेस प्रतिनिधि प्रमाणपत्र वितरण तथा अनलाइन सञ्चार माध्यम दर्ता नविकरण घुम्ती शिविर पनि संचालन गरिएको छ ।

सूचना तथा प्रसारण विभागको आयोजना र नेपाल पत्रकार महासंघ धादिङको सहकार्यमा कार्यक्रमको आयोजना गरिएको हो । तालिमबाट ४४ जना लाभान्वित भएका छन् । शिविरमा २ अनलाईन दर्ता, २ अनलाईन नवीकरण, १८ जनाको प्रेस प्रतिनिधि प्रमाणपत्र वितरण गरिएको छ ।

क्षमता अभिवृद्धि तालिममा समाचारको आधारभूत ज्ञान, अन्तरर्वार्ता, मोबाईल जर्नालिजमका बारेमा डा. विजय कुमार मिश्र र रामशुभक महतोले सहजीकरण गरेका छन् ।

नेपाल पत्रकार महासंघ धादिङका अध्यक्ष सीताराम अधिकारीले यस्ता तालिमले पत्रकारिता क्षेत्रमा भविष्य खोज्दै गरेकाहरुलाई सहयोग पुग्ने बताए । पत्रकारहरु सक्षम भए पत्रकारिता क्षेत्रको विश्वास र भरोसा हुन्छ । त्यसैले, यस्ता तालिमहरु निरन्तर सन्चालन गर्ने उनले बताए ।

सूचना तथा प्रसारण विभागका निर्देशक पुर्णिमा उपाध्यायले पत्रकारहरुको सहजताका लागि शिविर आयोजना गरिएको बताए । केही समस्या भए छलफल गरि समाधान गर्न सकिन्छ । सहकार्य गर्न उनले अनुरोध गरिन् ।