२०८१ चैत्र १९, मंगलबार
काठमाडौं- नेपालमा जारी अन्तर्राष्ट्रिय महिला च्याम्पियनसिप फुटबलको फाइनलमा आज नेपाल र म्यानमार खेल्दैछन् ।
त्रिपुरेश्वरस्थित दशरथ रंगशालामा हुने नेपाल र म्यानमारबीचको फाइनल खेल साँझ ६ बजे शुरु हुनेछ ।
नेपाली टोलीका मुख्य प्रशिक्षक राजेन्द्र तामाङले लिग चरणका तीन खेल राम्रो भएको बताएका छन् । फाइनलमा पनि नेपालले राम्रो खेल प्रदर्शन गरि उपाधि चुम्ने बताए ।
यस्तै नेपाली टोलीकी कप्तान एन्जिला तुम्बापो सुब्बाले पनि अहिलेसम्म सबैले राम्रो खेलेको र आज हुने फाइनल खेल उपाधिकै लागि भिड्ने बताइन् । अहिलेसम्म नेपाल सिल्भर मेडलमै सिमित भएको र आज नेपाल गोल्डका लागि खेल्ने समेत उनले बताइन् ।
त्यस्तै पाहुना टोली म्यानमारका प्रशिक्षक र कप्तानले पनि फाइनलका लागि तयार भएको बताएका छन् । प्रतियोगितामा चार देश सहभागी रहेका थिए ।
जसमा नेपाल र म्यानमार लिग चरणका तीन खेलमा अपराजित रहँदै फाइनलमा पुग्दा लेबनान एक खेलमा जित र दुई खेलमा हार तथा किर्गिस्तान तीन खेलमै पराजित हुँदै प्रतियोगिताबाट बाहिरीएका छन् ।
नेपाल र म्यानमारले लिग चरणमा समान ७ अंक जोडेपनि गोल अन्तरका आधारमा म्यानमार विजेता तथा नेपाल उपविजेताको रुपमा उपाधि नजिक पुगेका हुन् ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
