पत्रकार विकाश रौनियार सम्मानित

काठमाडौं- नेपाली सेनाको २६२औं सेना दिवसको अवसरमा पत्रकार विकास रौनियार सम्मानित भएका छन् । प्रधान सेनापति अशोक राज सिग्देलले रौनियारलाई प्रधान सेनापति प्रशंसा निशान (COAS of Commendation Badge) प्रदान गरिएको हो ।

Advertisement

वार्षिकोत्सवको अवसरमा सैनिक मञ्ज टुँडिखेलमा आयोजित एक समारोहमा प्रधान सेनापति सिग्देलले रौनियारलाई प्रशंसा निशान प्रदान गरेका हुन् । पत्रकारिता मार्फत नेपाली सेनाको योगदान र प्रतिष्ठालाई नेपाली जनतामाझ पुर्याएको भन्दै रौनियारलाई प्रशंसा निशान प्रदान गरिएको हो । रौनियार एपीवान टेलिभिजन र अन्नपूर्ण दैनिकमा कार्यरत छन् ।

कार्यक्रममा प्रधान सेनापति सिग्देलले सेनाको पेशागत क्षमता, अनुशासन र राष्ट्रिय सेवामा सेनाले निर्वाह गर्दै आएको भूमिकाको चर्चा गर्दै पत्रकार र सञ्चारमाध्यमहरूले पनि राष्ट्रिय सुरक्षामा महत्वपूर्ण योगदान पुर्याएको बताए । सेना दिवसको अवसरमा टुँडिखेलमा विभिन्न सैन्य प्रदर्शन, मार्चपास, सांस्कृतिक कार्यक्रम र नेपाली सेनाको विविध कार्यहरुको अवलोकन गराइएको थियो ।