नागढुंगा सुरुङमार्गको रोकिएको काम सुचारु

काठमाडौं- नागढुंगा सुरुङमार्गको रोकिएको काम सुचारु भएको छ । धादिङको धुनिवेशी नगरपालिकाको एक घरमा क्षति पुगेको भन्दै स्थानीयले अवरोध गरेपछि सोमबार बिहानदेखि काम रोकिएको थियो ।

Advertisement

सडक विभाग मार्फत छलफल गरेर आवश्यक निर्णय गर्ने भन्दै सहमति भएपछि रोकिएको काम सुचारु भएको आयोजनाले जनाएको छ । सहमति पछि हाल सुचारु भएको हो ।

नागढुंगा सुरुङमार्ग आयोजनाको भौतिक प्रगति ८६ प्रतिशत रहेको छ । अन्डरपास, बक्स कल्भर्ट र ओभरपास निर्माणको काम सम्पन्न भएको छ । अहिले फ्लाईओभरको काम भइ रहेको छ । फ्लाईओभरको काम ९५ प्रतिशत निर्माण सम्पन्न भइसकेको आयोजनाले जनाएको छ ।