अवैद १० जना नेपाली आप्रवासी लिएर अमेरिकी चार्टर जहाज नेपाल आउदै

काठमाडौं – अमेरिकी चार्टर जहाजले निष्कासित भएका १० जना नेपाली लिएर बुधबार नेपाल आउदैछ । अमेरिकाबाट नेपाल फर्काइएकामाथि अवैध प्रवेश, गैरकानूनी रूपमा बसोबास र अध्यागमन कानून विपरीत काम गरेको आरोप लगाइएको छ ।

Advertisement

अमेरिकी चार्टर जहाज बुधबार बिहान १० बजे काठमाडौं आउन लागेको हो । अमेरिकी राष्ट्रपतिको रुपमा डोनाल्ड ट्रम्पले दोस्रो पटक कार्यभार सम्हालेपछि उनले आदेश दिएका हुन् । यसअघि नै २७ नेपालीलाई अमेरिकाबाट निकाला गरिसकिएको छ । यसअघि जनवरीमा ६, फेब्रुअरीमा २० र मार्चमा एक जना नेपाली फर्काइएका थिए । तीमध्ये तीन जना नेपालीलाई पानामा डिपोर्ट गरिएको थियो, तर उनीहरूलाई पानामा पुर्याउनुको कारण खुल्न सकेको छैन ।

बुधबार काठमाडौ आउने चार्टर जहाज विहीबार दिउँसो ३ बजे अल्बानिया हुँदै अमेरिका फर्कने तालिका रहेको छ ।

अमेरिकाले पहिलो चरणमा विभिन्न देशका १४ लाख ४५ हजार ५ सय ४९ जना आधिकारिक कागजातविहीन आप्रवासीलाई देश निकाला गरिने जनाएको छ । यो सूचीमा एक हजार तीन सय ६५ जना नेपाली रहेका छन् ।