जीपको ठक्करबाट सरसफाइ कर्मचारीको मृत्यु

काठमाडौं– जीपको ठक्करबाट सिन्धुलीको कमलामाइ नगरपालिका वातावरण शाखामा काम गर्ने एक जना कर्मचारीको मृत्यु भएको छ ।

Advertisement

झापाबाट काठमाडौं आउदै गरेको प्रदेश १–००१ च ८८२१ नम्बरको जीपको ठक्करबाट कमलामाइ नगरपालिका–१२ का सरसफाइ कर्मचारी ३५ वर्षीय शेरबहादुर खपांगीको मृत्यु भएको प्रहरीले जनाएको छ ।

सरसफाइका लागि साइकलमा कार्यालयतर्फ जाँदै बीपी राजमार्ग अन्तर्गत कमलामाइ नगरपालिका–६ को रातमाटा घुम्ती नजिक जीपले ठक्कर दिएको थियो । ठक्कर दिने चालकलाई नियन्त्रणमा लिएको सिन्धुली प्रहरीले जानकारी दिएको छ ।