बसको ठक्करबाट मोटरसाइकल चालकको मृत्यु

काठमाडौ– सुनसरीमा बसको ठक्करबाट मोटरसाइकल चालकको मृत्यु भएको छ।

Advertisement

सुनसरीको हरिनगर गाउँपालिका–३ का ४६ वर्षीय महेशकुमार मेहताको मृत्यु भएको जिल्ला प्रहरी कार्यालय सुनसरीले जनाएको छ। प्रहरीका अनुसार सोमबार पूर्व–पश्चिम राजमार्गको सुनसरीको इनरुवा नगरपालिका–६ खण्डमा विराटनगरबाट विरगञ्जतर्फ जाँदै गरेको ना ६ ख २९३१ नम्बरको बसले इनरुवाबाट धरानतर्फ जाँदै गरेको को २५ प ३३७८ नम्बरको मोटरसाइकललाई ठक्कर दिएको थियो । ठक्करबाट गम्भीर घाइते भएका चालक मेहताको उपचारका क्रममा ज्यान गएको हो ।

मोटरसाइकलमा सवार सुनसरी देवानगंज गाउँपालिका–२ का ५७ वर्षीय गुगली मेहता घाइते छन् ।