बालमैत्री स्थानीय शासन सम्बन्धि बेनीघाटमा अभिमुखिकरण

धादिङ– धादिङको बेनीघाट रोराङ गाउँपालिकामा बालमैत्री स्थानीय शासन सम्बन्धि अभिमुखिकरण कार्यक्रम गरिएको छ । गाउँपालिका तहका जनप्रतिनिधि, विषयगत शाखाका कर्मचारी तथा सरोकारवालाहरूको लागि बालमैत्री स्थानीय शासनका नितिगत, प्रक्रियागत कार्य कार्यान्वयन र अवलम्बन तथा घोषणा सम्बन्धि जानकारी दिई क्षमता विकास गर्ने तथा पालिका स्तरीय बालमैत्री समिति गठन गर्ने उदेश्यले अभिमुखीकरण कार्यक्रम गरिएको हो ।

Advertisement

गाउँपालिकाले बालमैत्री स्थानीय शासनयुक्त पालिका बनाउने अभियानमा तिब्रता दिने बेनीघाट रोराङ गाउँपालिकाका अध्यक्ष कृष्ण बहादुर थपलियाले बताए । अभिमुखिकरणपछि गाउँपालिका अध्यक्ष थपलियाको अध्यक्षतामा ३१ सदस्यीय बालमैत्री स्थानीय शासन गाउँपालिका समिति गठन गरिएको छ ।

बालमैत्री स्थानीय शासनको अवधारणा, बालबालिकामा लगानी, बालमैत्री स्थानीय शासन गाउँपालिका तथा वडास्तरीय संरचना र सेवा प्रवाह का ३६ र संस्थागत १५ वटा गरी ५१ सूचकहरू, बालमैत्री स्थानिय शासन अवलम्बनका चरणहरु लगायतका विषयमा प्रयास नेपाल धादिङका कार्यकारी निर्देशक दामोदर अर्यालले सहजीकरण गरेका थिए । अभिमूखिकरण कार्यक्रममा पालिका भित्रका ७५ जनाको उपस्थिति रहेको थियो ।