ईभी भ्यान र मोटरसाइकल ठोक्किदा एकको मृत्यु, नौ जना घाइते

काठमाडौं– सिन्धुलीमा मोटरसाइकल र ईभी भ्यान ठोक्किँदा एक जनाको मृत्यु भएको छ भने नौ जना घाइते भएका छन् ।

Advertisement

मदन भण्डारी लोकमार्ग अन्तर्गत सिन्धुलीको दुधौली नगरपालिका–४ एकहटियामा दुर्घटना हुदा तीनपाटन गाउँपालिका–१० औलडाँडा बस्ने २६ वर्षिय प्रेम राम मगरको मृत्यु भएको जिल्ला प्रहरी कार्यालय सिन्धुलीले जनाएको छ । प्रहरीका अनसार उदयपुरबाट काठमाडौं आउँदै गरेको बा–प्र ०३–०१–४४५ नम्बरको ईभी भ्यान र डकाहाबाट दुधौलीतर्फ गइरहेको प्र २–००१–प ७०११ नम्बरको मोटरसाइकल एकआपसमा ठोक्किएको थियो ।

गम्भिर घाईते बनेका राना मगरलाई उपचारका लागि स्थानीय नगर अस्पताल, सिर्थौली लगिएको थियो । उपचारका क्रममा उनको ज्यान गएको हो । ईभीमा सवार नौजना यात्रुमध्ये केहीको अवस्था मध्यम र केही सामान्य रहेको छ । घाइतेहरूलाई केहीलाई काठमाडौंस्थित ट्रमा सेन्टर र केही घाईतेहरुलाई सिर्थौली नगर अस्पतालमा उपचार भइ रहेको छ ।

प्रहरीले सामान्य घाइते ईभी चालक उदयपुर त्रियुगा नगरपालिका–६ का ३८ वर्षीय विरेन्द्र कुमरलाई नियन्त्रणमा लिएको छ ।