२०८१ चैत्र २४, आईतबार
काठमाडौं– धादिङ जिल्लाको गल्छी गाउँपालिका–२ औपचारिक रूपमा बालमैत्री स्थानीय शासनयुक्त वडा घोषणा गरिएको छ । बालमैत्री स्थानिय शासन घोषणा कायविधि २०७९ ले निर्दिष्ट गरेका ५१ वटा सुचक पूरा गरेपछि वडालाई बालमैत्री स्थानीय शासनयुक्त वडा घोषणा गरिएको हो ।
जिल्ला समन्वय समिति प्रमुख नवराज अधिकारीले बालबालिका प्रतिको बृहत्तर जिम्मेवारी निर्वाह गर्ने अभियान स्वरुप बालमैत्री स्थानिय शासन कार्यान्वयन निर्देशिका २०७८ र बालमैत्री स्थानिय शासन घोषणा कायविधि २०७९ ले निर्दिष्ट गरेका ५१ वटा सुचक र तहगत चरणहरु पुरा गरेकाले बालमैत्री वडा घोषणा गरिएको बताए ।
यस्तै गाउँपालिका अध्यक्ष केदारनाथ खतिवडाले बालबालिकाको उज्वल भविष्यका लागि गाउँपालिकाले दीर्घकालीन रणनीति तयार गरी बालमैत्री वडाहरू निर्माण गर्दै आएको बताएका छन् । ‘यसअघि वडा नम्बर १ लाई बालमैत्री वडा घोषणा गरि सकेको छ । क्रमिक रुपमा सबै वडालाई बालमैत्री वडा घोषणा गरिनेछ । गाउँपालिकाबासी, सरोकारवाला सबै निकायको समन्वयमा बालमैत्री वडा घोषणा गर्न सफल भएको हो’ उनले भने ।
यस्तै गाउँपालिकाका उपाध्यक्ष भाईकाजी तिवारीले पालिकाले बाल संरक्षण, विकास, सहभागिता, संस्थागत संरचना सुदृढिकरण लगायत क्षेत्रमा विशेष लगानी गरेको भन्दै क्रमिक रुपमा अन्य वडाहरुलाई पनि बालमैत्री वडा घोषणा गरिने बताए ।
वडा अध्यक्ष षडानन्द खनालले प्रतिवेदन प्रस्तुत गर्दै पछिल्लो तीन वर्षदेखि गल्छी गाउँपालिकाले बालमैत्री शासन अन्तर्गत पूर्व तयारी गर्दै गुरु योजना बनाएर काम गरेको बताए । वडा नम्बर २ बालमैत्री शासनयुक्त वडा बन्न सफल भएकोमा वडाबासी गाउँपालिका तथा सरोकारवाला सबैलाई उनले धन्यवाद ज्ञापन गरेका छन् ।
बालमैत्री वडा घोषणाअघि वडा कार्यालय परिसरमा बालबालिकाहरूले बालअधिकार सुनिश्चितताको नारा लगाउँदै र्याली निकालेका थिए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
