सुनको मूल्य प्रतितोला १ लाख ७३ हजार ४ सयमा झर्यो

काठमाडौं– सुनको मूल्यमा गिरावट आएको छ । साताको पहिलो कारोबार दिन आइतबादेखि निरन्तर गिरावट आएको सुनको मूल्य आज पनि तल झरेको हो ।

Advertisement

नेपाल सुनचाँदी व्यवसायी महासंघका अनुसार मंगलबार छापावाल सुन ४ सय रुपैयाँले घटेर प्रतितोला १ लाख ७३ हजार ४ सय रुपैयाँ कायम भएको छ। यसअघि आइतबार तोलामा १ हजार ९ सयले घटेको सुन सोमबार ७ सयले घटेको थियो। अघिल्लो साताको अन्तिम कारोबार दिन शुक्रबार सुन ३ हजार ९०० रुपैयाँले घटेको थियो ।

चैत्र २१ गते सुनको मूल्यले ऐतिहासिक रेकर्ड कायम गरेको थियो । सो दिन एक तोला सुनको मूल्य १ लाख ८० हजार ३०० कायम भएको थियो।

सुनको मूल्य घटेपनि चाँदी भने स्थिर छ। आज प्रतितोला चाँदी १८सय ३० रुपैयाँमा कारोबार भइरहेको महासंघले जनाएको छ।