विश्वकै कान्छि भागवत वाचिका अनुराधा पाण्डेयले आजदेखि गण्डकी कोटिहोममा प्रवचन दिदै

काठमाडौं– विश्वकै कान्छि १० बर्षिया भागवत वाचिका अनुराधा पाण्डेयले आजबाट गण्डकी कोटिहोममा आजदेखि कथा प्रवचन गर्ने भएकी छिन् ।

Advertisement

विश्वकै कान्छि भागवत कथा वाचिका पाण्डेयले आज देखि २०८२ बैशाख ५ गतेसम्म कथा प्रवचन गर्ने छिन् । आज शुक्रबार दिउँसो १ बजेबाट उनको प्रवचन शुरु हुने छ ।

कोटिहोम महायज्ञका प्रमुख कार्यक्रमहरु बैशाख १७ गतेदेखि सञ्चालन हुने भएतापनि अहिले कोटिहोम महायज्ञका विविध प्रचार प्रसारका कामहरु अगाडी बढेका छन् ।

पोखरामा हुन लागेको कोटीहोम महायज्ञमा नेपाल र भारतका प्रख्यात धर्मगुरुहरु आएर कथाबाचन गर्ने एवम् कोटीहोमका भक्तजनलाई आशिर्वाद दिने कार्यक्रम रहेको आयोजकले जानकारी दिएको छ ।

पोखरा महानगरपालिका- १७ बिरौटामा सञ्चालन हुन लागेको ऐतिहासिक श्री गण्डकी शत कुण्डीय गायत्री कोटिहोम विराट ज्ञान महायज्ञको तयारी अन्तिम चरणमा पुगेसंगै अहिले भने प्रचारप्रसारका विविध कार्यक्रमहरु सञ्चालन भइरहेका छन् ।