नेकपा एमाले सचिवालय बैठक आज बस्दै

काठमाडौं- नेकपा एमालेले सचिवालय बैठक आज बस्ने भएको छ । आज बिहान ११ः३० बजे पार्टी कार्यालय च्यासलमा बस्ने गरी सचिवालय बैठक बोलाइएको हो ।

Advertisement

बैठकमा समसामयिक राजनीति, पार्टी स्थापना दिवस भव्य बनाउने विषयमा छलफल केन्द्रित हुनेछ । एमालेले ९ गते पार्टीको ७६ स्थापना दिवस र ११ गते युवा महोत्सवको आयोजना गरी मनाउँदैछ ।

वैशाख ११ गते अर्थात लोकतन्त्र दिवसका दिन काठमाडौंमा युवा महोत्सव आयोजना गर्ने उद्घोष गर्दै एमालेले ४० वर्ष मुनिका युवाहरू सहभागी गराएर राजतन्त्र हटाएर जनताले जितेको दिनको उत्सव मनाउने तयारी गरेको छ ।

एमाले अध्यक्ष केपी शर्मा ओलीले ११ गतेको युवा उत्सवलाई ऐतिहासिक बनाउनका लागि जुट्न पार्टीका सबै जनसङ्गठनलाई निर्देशन दिएका छन् ।