एसीसी प्रिमियर कपको उपाधिका लागि आज यूएई र ओमान खेल्दै

काठमाडौं– एसीसी प्रिमियर कप क्रिकेटको उपाधिका लागि आज यूएई र घरेलु टोली ओमान खेल्दैछन् । खेल दिउँसो सवा ४ बजे ओमानको अल अमेरातमा सुरु हुनेछ ।

Advertisement

अस्ति शुक्रवार भएको सेमिफाइनलमा नेपाललाई छ विकेटले हराउँदै यूएई र हङकङलाई ५ विकेटले हराउँदै ओमान फाइनलमा पुगेका हुन् । यो प्रतियोगिताको विजेता टोलीले एशिया कप क्रिकेट खेल्न पाउनेछ । एशिया कपमा भारत, पाकिस्तान, श्रीलंका, बङ्लादेश र अफगानिस्तानसँग प्रतिस्पर्धा हुनेछ ।

नेपाल एसीसी प्रिमियर कपको तेस्रो स्थानका लागि हिजो भएको खेलमा हङकङसँग चार विकेटले पराजित भयो । हङकङसँग पराजित भएसँगै नेपालको एसीसी इमर्जिङ टिम्स एशिया कपको यात्रा पनि टुङ्गिएको छ । हङकङ इमर्जिङ कपका लागि छनोट भएको छ ।

प्रिमियर कपका विजेता र उपविजेतासँगै तेस्रो हुने टोलीले इमर्जिङ कप खेल्न पाउनेछन् ।